KNAPK: Piniartutut allagartallit kisimik tammajuitsussarsiniartitsisassapput
Takorniarianik tammajuitsussarsiniarlutik piniartitsisarnerni piniartutut allagartallit kisimik piniartitsisartuunissaat, inatsisartuni ilaasortap Agathe Fontainip Inuit Ataqatigiinneersup inatsisartuni aalajangigassanngorlugu siunnersuutigaa.
Skrevet af Louise M. Kleemann
Siunnersuut Kalaallit Nunaanni Aalisartut Piniartullu Kattuffiannit KNAPK-mit tapersersorneqarpoq. Kattuffik isumaqarpoq, takornarianik tammajuitsussarsiniarlutik piniartitsisartut
piniartutut allagartaqaratik ilaatigullu piniutinik atortoqaratik ullumikkut angallassisartut, ilaatigullu pisatik niaquuinnarlugit sinneri qimaanarneqartartut KNAPK-miit oqaatigineqarpoq.
Takornarianik tammajuitsussarsiniarluni piniartitsisarnerit annertusiartortinneqarnissaat siunertaralugu, takornariallu amerliartornerat piniartup anigaasarsiorneranut iluaqutaanerpaamik inissinnissaa anguniarlugu KNAPK-ip siunnersuut tapersersorlugu allagaqarpoq.