Qarlipiluunersuit Perumi mersorneqarput
Mersortartut Peruminngaanneersut qarlinnik aatsaat taama angitigisunik mersorsimanerarput. Qarliit 43 meteritut takissuseqarput, 30 meterinillu silissuseqarlutik, 7,5 tonsinillu oqimaassuseqarlutik.
Skrevet af Louise M. Kleemann
Qarliit akunnerup naanerani naammassineqarput, saqqummersinneqanngitsoorlutilli.
Kranit atorneqartussat pingasut mikivallaarsimapput, kranilu alla maanna atorneqartussanngormat, qarliit sapaatip-akunnerup massuma ingerlanerani saqqummersinneqarsinnaanngorlutik.
Mersortartut atisaliorfimmi sulisuupput, annoraaminerlu qarliliornermut atorneqartoq minnerusunngorlugu agguarneqassaaq nammattagaliornissartik neriorsuutigigamikku.
Guinness Rekordbogimut ilanngunneqarnissartik mersortartut neriuutigaat.