Immikkut aningaasaliinissamik quinnuteqaammik suli tigusaqanngillat
Aningaasaqarnermut Ataatsimiititaliaq, ippassaq sisamanngornermi ataatsimiittoq, Peqqissutsimut naalakkersuisumit Arkalo Abelsenimit immikkut aningaasaliinissamut qinnuteqaammik, Dronning Ingridip napparsimmaavissuanut atugassamik, suli tigusaqanngilaq.
Skrevet af Louise M. Kleemann
31. oktober 2008 12:25
Naalakkersuisunut ilaasortaq, Arkalo Abelsen ippassaq sisamanngornermi Radioavisimut oqarpoq, immikkut aningaasaliissutinik Aningaasaqarnermut ataatsimiititaliamut qinnuteqassalluni.
Kisianni Aningaasaqarnermut ataatsimiititaliap siulittaasua Augusta Salling ullup qeqqariartorneranut Radioavisimut oqarpoq, qinnuteqaammik namminneq tigusaqaratik.
- Arkalo Abelsen sunik tunngavilersuuteqarnersoq takoqqaartariaqarparput. Taava aamma immikkut aningaasaliinerup suut kingunerissagai misissortariaqarpagut, Augusta Salling oqarpoq.
Tuaviortunik suliarisariaqartuni takkuttoqanngippat, aningaasaqarnermut ataatsimiititaliap ataasinngorpat , aningaasanut inatsisissaq oqaluuseralugu, ataatsimiinnissaa utaqqimaarneqartariaqassaaaq.
