Nappaassuup akiorniarneranut mobiltelefoni iluaqutigineqalerpoq
Suliniut Projekt Masilulekemik taaguuteqarpoq, Sydafrikamilu innuttaasut 1 millionit ullormut SMS-erfigineqartassallutik. Aviisimi Politikenimi tamanna atuarneqarsinnaavoq.
HIV-mik tunillatsissimagaanni katsorsartinnissaq SMS-ikkut kajumissaarutigineqartarpoq, soorlu aamma HIV-mut misissortinneq kajumissaarutigineqartartoq.
AIDS-i pillugu apeqqutissaqaraanni attaveqaat maanna atorneqarnerulerpoq, allaat pingasoriaatinngorsimalluni. SMS-i atorlugu akiuiniarneq aallartimmat siarguttut amerliartuinnavissimapput.
Sydafrikami innuttaasut 49 millioniupput, taakkunanngalu 43 millionit oqarasuaammik angallattakkamik peqarlutik.
- AIDS-imik akiuiniarnermi SMS-imik atuineq innuttaasunut iluaqutaavoq, AIDS-i pillugu paasissutissat taamaalillutik siammarterneqarsinnaanngoramik, Gustav Praekelt tuluit tv-qarfissuanut BBC-mut oqarpoq.