Nunat uuliamiik tunisasssiortut qalluinertik annikillisikkusuppaat
Nunat uuliamik tunisassiortut kattuffiat OPEC ataatsimeersuaqqammerpoq. Eqqartorneqartut pingaarnersaraat uuliap nappartamut akiata affaannanngornernerata kingorna isertitakilliulerneq. Nunat ilaasortat ilaasa piumasaraat uuliamik qalluinertik annikillisariaqalersoq.
Skrevet af Louise M. Kleemann
24. oktober 2008 11:51
Nunat uuliamik tuniniaasut aningaasanik piummartunerat tunngavigalugu isumaqatigiissutigineqarpoq maannamut uulia nappartat 29 mill.-init 27,5 mill.-inut ikilisinneqarnissaat. Saudi Arabiap kissaatigisimagaluarpaa annikinnerusumik ikilisinneqassasut; nunalli piummartunerit Iran Venezuelalu piumasaqarsimagaluarput annikilliliineq annertunerusariaqaraluartoq. Kissaateqarnerminnut peqqutaatinniaraluarpaat nunarsuarmi uuliamik atuinerup qalluinermit annikinnerunera.
OPEC-ip ataatsimiinnerani aalajangigaq ilisimaneqalermat uuliap nappartamut akia 3-4 dollarsinik, tassa koruuninngorlugu 15-20 kr.nik akikillivoq; maannalu uulia nappartamut 60 dollarsinik, koruuninngorlugu 250,- kr.nik akeqalerpoq.
