Efterskolit ingerlanneqarnerat misissorneqalerpoq
Kalaallit nunaanni efterskolit ukioq manna aggustip qaammataani aallartittut ingerlanneqarnerat novembarip decembarillu qaammataani naliliersuiffigineqartussanngorpoq.
Skrevet af Louise M. Kleemann
Efterskolit sisamaasut tamarmik Namminersornerullutik Oqartussat aallartitaannit tikinneqassapput, ingerlatsinerallu pillugu nalilersuiffigineqassallutik. Tassa ilinniartitsisut, pisortat aamma atuartut kiisalu atuartut taamaatiinnarsimasut apersorneqassallutik.
Tamanna ilinniartitaanermullu naalakkersuisoqarfimmi ilinniartitaanermut nakkutilliisup Kaali Olsenip ima nassuiaateqarfigaa:
- Efterskoliugallartut ingerlatsinermi misilittagaat ilikkagaqarfiginiarlugit, siunissamilu ataavartumik efterskoleqarnissamut misilittakkat tunngavilersorluakkat aallaavigalugit ingerlatsisoqarsinnaaniassammat naliliisoqassaaq.