Oqalutseqarneq atorluarpaat
- Kalaallit Københavnimut siullermik tikikkaangamik Kalaallit Illuutaat immaqa sumiittoq aammalu qanoq ikiorneqarsinnaanerlutik nalusarpaat. Kisianni maanna ikioqqussagaangamik maanna saaffigiinnittalerput, Kalaallit Illuutaanni isumaginninnermut ataqatigiissaarisoq Katrine Kleist oqarpoq.
Saaffiginnittarnerli kisimik pitsaanerulersimanngilaq, aamma pisortat oqalutseqarnissaq eqqumaffiginerulersimavaat.
- Kalaallit qallunaatut oqaluppiarsinaanngitsut saaffiginniffinnifiiniit Kalaallit illuutaannut oqalutsissaminnik pissarsiortarput.
Oqalutseqarnerli Københavniunerusoq atorneqarpoq. Sjælland-imi illoqarfinni mikinerusuni ikinngutit ilaquttallu ikiuunnerusartut Katrine Kleist-ip ilimagaa.
- Uagut Sjælland-imi illoqarfiit arlaannut oqaluttaajartortarpugut. Kisianni aamma kalaallit avinngarusimanerusuni najugaqartut imminnut ilisarisimasariittaramik, ilaatigut peqatigiiffitik aqqutigalugit, imminnut ikioqatigiittarput, taamaalillutillu pisariaqartitaminnik pisortanut saqqummiussisinnaasarlutik, København-imi Kalaallit Illuutaanni isumaginninnermut ataqatigiissaarisoq Katrine Kleist oqarpoq.