Qarasaasiaq atorlugu nakorsiarsinnaaneq ullumimiit atuutilerpoq
Qarasaasiaq atorlugu nakorsiartitsinissamut atortorissaarut "Pipaluk", pisortatigoortumik ullumi atoqqaartinneqassaaq. Peqqissutsimut ilaqutariinnermullu naalakkersuisup, Ark'alo Abelsenip, Paamiuni peqqissavimmi pisortatigoortumik atoqqaartissavaa.
Skrevet af Louise M. Kleemann
Qarasaasiaq atorlugu nakorsiartitsinissamut atortorissaarut iluaqutigalugu najugarisaq qimannagu nakorsamit misissorneqarsinnaaneq periarfissanngussaaq, pitsaanerpaamillu nakorsamit passunneqarnissaq siunertaalluni.
Qarasaasiaq atorlugu nakorsiarsinnaanermut atortut ukiuni pingasuni tulliuttuni illoqarfinni nunaqarfinnilu assigiinngitsuni 15-ini ikkussuunnneqassapput, siullermik Aasianni, Kangaatsiami, Paamiuni Qaqortumilu peqqinissaqarfinni ikkussuunneqassallutik. Qarasaasiaq atorlugu nakorsiartitsinissamut atortut ukiuni tulliuttuni pingasuni ikkuussunneqarnissaannut inatsisartut 26,4 millioner koruuninik aningaasaliipput.