Ilisarnaat "Svanemærket" pitsaanerpaanut ilaavoq

Avatangiisinik illersuinissamik piujuaannartitsinissamillu angusaqarniarluni suliniuteqarnermut ilisarnaatigineqartartoq Svanemærket, nunarsuarmi ilisarnaatigineqartartuni pitsaanerpaat ilaattut toqqarneqarpoq.

Skrevet af Louise M. Kleemann

15. oktober 2008 07:00

Ilisarnaatit pitsaanerpaat suunersut paasiniarneqaqqammerpoq, suliffeqarfik Environmental Resources Management, Tuluit avatangiisinut ministereqarfia tunuliaqutaralugu misissuisimammat.

Ilisarnaatit katillugit 207-it misissorneqarput, ilisarnaatillu immikkut taasariallit sisamat toqqarneqarlutik, tassa Nunat Avannarliit ministeriisa aalajangersaasartuisa toqqagaat Svanemærket, kiisalu Tysklandip, New Zealandip aamma EU-p ilisarnaataat immikkut taasarialittut nalilerneqaramik.

Svanemærket 1989-imi pilersinneqarpoq, nersorniarneqarnerlu Nunat Avannarliit ministeriisa aalajangersaasartuinit iluarisimaarutigineqarluni:

- Svanemærkip immikkut taasarialittut nalilerneqarnera Nunat Avannarliit suleqatigiilluarnerannut takussutissaavoq, avatangiisinik illersuiniartuunerput piujuaannartitsinermillu anguniagaqarnerput tassuunatigut ersersinneqarluni, Nunat Avannarliit ministeriisa aalajangersaasartuini siulittaasoq Halldór Ásgrímssonn oqarpoq.

Din mening er vigtig for os. Vi modtager gerne ris eller ros om denne artikel.