Immiaaraliorfik akiliisinnaajunnaarpoq
Immiaaraliorfiup siunissaa pillugu aaqqiissutissarsiornissaq maanna sulissutigineqassaaq, akiliisinnaajunnaarnerup kinguneranik suliffeqarfik qaammatini pingasuni tulliuttuni aaqqiinialissagami.
Danmarkimi nioqqutigisat immiaaraliornermilu ajornartorsiutit aningaasatigut artukkiipput, suliffeqarfiullu amigartoorutai siorna 2 millioni koruuniupput.
Aningaasaliisarfik Greenland Venture immiaaraliorfiup aktiaataannik 49,5 procentinik piginnittuuvoq, aningaasaliissutiminillu annaasaqarumanani Greenland Brewhouse-imik ukiup massuma aallartilaarnerani ingerlatsilerluni.
Namminersornerullutik Oqartussat aningaasaliisarfiat taanna Greenland Brewhouse-imik 1,6 millioni koruuninik aningaasaliinikuuvoq.