Upalungaarsimanissamut sungiusarnersuaq Ilulissani ingerlappaat
Sungiusarnermi aqutsisoq Allan Holm, Danmarkimi politiit qullersaqarfianeersoq oqarpoq, nakkutilliissut Vædderen, sinersortaat Sarfaq Ittuk, politiit, qatserisartut peqqinnissaqarfillu sungiusarnermi peqataasut.
-Ilulissat kangerluani umiarsuarmik ikuallattumik imaluunniit pujorsuarmik inuit arlaat takusaqassagaluaruni eqqissisimaannassaaq, Allan Holm oqarpoq. Kangerlummi aalisartut ikuallattumik takusaqassagaluarunik eqqissisimaannassasut Allan Holm aamma kajumissaarivoq.
Allan Holm aamma oqarpoq radiukkut attaveqaqatigiinnermi ilisarnaat ”Malik 2008” atorneqartoq tusarneqassagaluarpat qisuariartoqartariaqanngitsoq, taaguut taanna sungiusarnerup ilisarnaataatut atorneqarmat.