Europami aningaaseriviit ajornartorsioraluttuinnarput
Aningaasarsiornikkut ajornartorsiorneq Kalaallit Nunaannut qanittumi aamma malugineqarsinnaavoq.
Islandimi aningaaseriviit annersaasa pingajuat, Glitnir, annaanniarlugu Islandimi naalakkersuisut 75 procentimik piginneqataaffigilerpaat. Nukinginnartumik taamatut aaqqiisoqarneranut nunat tamalaat akornanni aningaasarsiornikkut ajornartorsiorneq, Islandip malussariffigeqisaa, patsisaavoq.
-Taamatut annaassiniarluni iliuuseqartoqanngikkaluarpat, aningaaserivik Glitnir sapaatip akunneri arlaqanngitsut qaangiuppata matusimassagaluarpoq. Pissutsit ullumikkut taama ipput, islandimiut aningaaserivissuanni pisortaq, David Oddson, oqarpoq
Aningaaseriup Glitnirip pisiarineqarnerata nalunaarutigineqarneratigut islandimiut koruuniat Euromut naleqqiullugu aatsaat taama nalikitsigilerpoq.