Inuktitut pisortatigoortumik Nunavummi atorneqalissaaq
- Inuktitut kulturitsinnut kinaassutsitsinnullu pingaaruteqartorujussuuvoq, sullissinermilu pingaarnerpaanngortinneqarnissaa anguniagaraarput, ilinniartitsitsissutigineqarnissaalu aamma pingaartillutigu, Nunavummi kulturministeri Louis Tapardjuk oqarpoq.
Inuktitup sullissinermi pingaarnertut oqaaserineqarnissaa kingusinnerpaamik ukiut sisamat qaangiuppata piviusunngortinneqassasoq nalunaarutigineqarpoq, 2019-iutinagulu atuarfinni ilinniartitsissutigineqalersimanissaa siunnerfigineqarluni.
Nunavummi innuttaasut 91 procentii Inuktitut oqalussinnaasut, Canadami naatsorsueqqissaartarfiup 2006-imi saqqummiuppaa. 1996-imut naleqqiutissagaanni 3 procentpointinik appariaataavoq.