50.000-it angerlarsimaffeerussimassangatinneqarput
Nunap immikkoortuani qaqqaqarfiusumi L'Aguila-mi Ruumamit 100 kilometerinik avannarpasinnerusumiittumi illoqarfiit ilaat sequmissimasarput, Italiamilu ukiuni 30-ni aatsaat taama sakkortutigisumik nuna sajuppoq.
Italiamiup ilisimatuup sapaatip akunneri arlallit matuma siornagulli nunap sakkortuumik sajunnissaa ilimasaarutigisimavaa, taannali oqartussaasunut unnerluutigineqarpoq, pissutissaqanngitsumik annilaangasaarisimasutut unnerluutigineqarluni. Naalakkersuisut ullumi oqaatigaat, nunap sajuttarnerinut ilisimatuup Gioacchino Giulianip mianersoqqussutai ilisimatuussutsikkut tunngavilersugaanngitsut, Giulianilli utoqqatserfigineqarnissani piumasaraa.