Anders Fogh Natomi pisortanngussaaq
Naak Tyrkiamiut naggataa tikillugu tukernersoraluartut, ministeriuneq Anders Fogh Rasmussen, nunat killiit illersornissamut suleqatigiiffianni Natomi pisortatut ualimut toqqarneqarpoq.
Skrevet af Elisa Isaksen
Tyrkiamiut neriorsorneqareerlutik aatsaat naggataatigut akuersipput.
Tyrkiami naalakkersuisut siuttuat Erdogan, ualimut Tyrkiamiut tv-qarfiannut oqarpoq, Amerikami præsidentip neriorsorsimagaani, Anders Fogh Rasmussenip Natomi pisortatut tullersortissaa, qanittukkut toqqarneqartussaq Tyrkiamiuussasoq.
Tamatumalu saniatigut Tyrkiamiut Natomi sakkutuunut qullersanut ilaatitaqarnissaat aamma neriorsuutigineqarpoq.
Taamaalilluni paasinarsivoq Anders Fogh Rasmussen pisortatut toqqagaaniassammat Obama Tyrkiamiunut neriorsuuteqarsimasoq.