NunaMinerals siorna 1,9 mio. koruuninik amigartoorpoq
Nunatsinni aatsitassarsiornermik ingerlatseqatigiiffik NunaMinerals aatsitassanik ujaasinermut atatillugu 2008-mi 1,9 millionit koruuninik amigartoortoq, Dansk Aktionærforeningip nittartagaani allaaserineqarpoq.
Skrevet af Elisa Isaksen
Tamanna naatsorsuutigineqareermat suliffeqarfiup angusani naammagisimaarpaa.
NunaMinerals suleqatigisaasalu 2008-mi aatsitassanik ujaasinermut aatsaat taamak annertutigisumik ingerlataqaramik 32 millionit koruuninik aningaasartuuteqarput.
- Nunarsuatsinni aningaasarsiornikkut ajornartorsiorneq aamma aatsitassat akii eqqarsaatigalugit NunaMineralsip siunissami suliniutimini kuultimik wolfram-imillu ujaasinerit aallunneruniarpai. Suleqatissarsiortarneq aamma allanngortinneqarpoq, taamaalilluni suliffeqarfiup ingerlataani tamani suleqatissarsiorsinnaaneq maanna ammaanneqarluni.