Aalisariutit marluk umiummata qimaasorpassuit ajunaarput
Aalisariutit marluk qimaasunik 600-t missaannik ilaasoqarlutik ippassaq umiummata, qimaasut hunnorujulikkaat Libyap sineriaata avataani ajunaarsimanissaat ernummatigineqalerpoq.
Skrevet af Lotte Holm
Libyami atorfillit nutaarsiassaqartitsivimmut Reutersimut taama oqarput.
Ippassaq unnungaatsiareersoq umiuffiusumit 23-t annaanneqarput, 21-llu ipisimasut nassaarineqarlutik. Qimaasut sinneri hunnorujulikkaat suli maqaasineqarput. Qimaasorpassuit Italiamut ingerlaaraluarput.