Kulturimut aningaasaliissutinit tapiissutit akuersissutigineqarput
Kultureqarnermut Naalakkersuisup, Tommy Marø-p, kulturimut anigaasaliissutinit tapiissutit ukioq manna siulliit akuersissutigai. Eqqumiitsuliortut ingerlataat suliniutillu eqqumiitsuliornikkut qaffasissumik pitsaassusillit salliutinneqarlutik, katillugit 882.000 koruunit tapiissutigineqarput.
Aningaasat qinnuteqartunut 13-inut tunniunneqassapput, qinnuteqaatit 10.000 koruunit 150.000 koruunillu akornanni tapiiffigineqarput. Qinnuteqartut katillugit 37-usimapput.
Kulturimut aningaasaliissutinut tulliani qinnuteqarfissaq kingulleq tassaavoq septembarip ulluisa 15-iat, Agguaassassat ½ millioni koruunit taamanikkumut missaaniissangatinneqarput.