Silap pissusaata allanngoriartupiloornera issittormiunut sunniuteqartorujussuuvoq
Issittormiut sumulluunniit naleqqussarsinnaanerat UNESCO-p upperisorujussuuvaa. Sullissiviup paasivaa, issittumi imarpiup annilaarnaannartumik allanngoriartornera issittormiut ukiuni qulikkuutaani malinnaavigisimagaat, tassa immap sikuata sinerissamiit ungasilliartuinnarnera takusinnaasimallugu. Suliffissuaqarnerulli siuariartorneranik umiarsuillu angallannerulernerannik tamanna kinguneqassaaq.
UNESCO-p nalunaarusiaa Monaco-mi marsip allartilaarnerani ulluni sisamani ataatsimiinnermi saqqummiunneqarpoq. Issittormiut ajornartorsiutaasa aaqqiissutigisinnaasaannik ataatsimeeqataasut ujartuipput, issittumilu nungusaataanngitsumik ineriartortitsinissaq oqallisigineqarpoq. Inuit pissusaannik, pinngortitamik, ileqqorissaarnermik ilinniartitaanermillu paasisimannilluartut ataatsimiinnermi peqataapput.
Silap pissusaata allanngoriartornerani nunap inuiinut siunnersuisartussanik eqimattanik pilersitsisoqarnissaa ataatsimeeqataasut isumaqatigiissutigaat.