Nunaqarfinni aqutsisunut allakkatigut qinersisoqarsinnaanngorpoq
Nunaqarfinni aqutsisunut qinersinermut atatillugu ullumikkumiit allakkatigut qinersisoqarsinnaanngorpoq. Qinersisinnaatitaasut tassaapput inuit, kingusinnerpaamik qinersinissaq ullunik 14-inik sioqqullugu nunaqarfimmi inuit allattorsimaffianni allassimasut.
Skrevet af Louise M. Kleemann
17. marts 2009 06:27
Nunaqarfinni aqutsisunut qinigassanngortinniartut qinersinissaq kingusinnerpaamik ullunik qulinik sioqqullugu nalunaareersimassapput – tassa tallimanngornermi apriilip 17-anni.
Kommuninik nutaamik aaqqissuusseqqinnerup malitsinganik nunaqarfiit ataatsimut aqutsisoqalissapput, siusinnerusukkut nunaqarfiit tamarmik immikkut aqutsisoqartaraluarput.
Apriilip 28-anni qinersineq naammassippat, nunaqarfiit 51-it ataatsimoorussanik 20-nik siulersuisoqalersimassapput, nunaqarfiilli arfinillit angissusertik pissutigalugu imaluunniit inissisimaffitsik pissutigalugu namminerisaminnik siulersuisoqaannassapput.