ICYC: Kinguaassiutitigut atornerlunneqarsimasut tamatta ikiortigit
- Kinguaassiutitigut atornerluinermut pinaveersaartitsinermut tunngasumik aaqqissuussaavoq, assigiinngitsut saqqummiussiffigissaat, Inuit Circumpolar Youth Council-imi siulittaasoq Stina Berthelsen oqarpoq.
Tarnip pissusaanik ilisimasalik inatsisileritoorlu kalaaliusut immikkut ilisimasalittut saqqummiussipput. Kinguaassiutimigut atornerlunneqarsimasoq misigisaminik maannakkullu qanoq inuuneqarnerminik oqaluttuarpoq. Kiisalu kinguaassiutimikkut atornerlunneqarsimasut ikorfartorniarlugit peqatigiiffik TASIOTA aamma suliniutiminik saqqummiussilluni. Aamma isiginnaatitsissut, isiginnaartunik attueqisoq, ‘Oqarit! Inuullutillu’, isiginnaarneqarpoq.
- Imarivaa, inuusuttut marluk, arnaq angullu, kinguaassiutimikkut atornerlunneqarnermik kingorna qanoq inuuneqartut qanorlu siunissartik qinerneraat. Isiginnaartitsissut sakkortuvoq, piviusulli takutikkusuppavut. Kusassarnagu millisarnagu, nipaarsaaarunnaguluunniit.
ICYC-ip taamatut aaqqissuussinermigut neriuutigaa, sullissisut sullissamik kikkuunerannik pisariaqartitaannillu paasinninnerulissasut:
- Tassa neriuppugut illersornerullugit sullissinnaanerussagaat.
Aqagu aamma innuttaasut oqallinnissamut periarfissippagut: Ajornartorsiutit piviusuupput tamatta arlaatigut ikioqatigiittariaqarpugut, ICYC-ip nunatsinni siulittaasua, Stine Berthelsen Taama oqarpoq.