Paamiuni inuusuttuaqqat misissuiffigineqalerput
Suliniummut Paamiut Asasaramut ilassutitut suliaavoq. Suliniut taanna nalunaarusiarineqarpoq ilaatigut inuusuttut pillugit ilisimatuussutsikkut misissuinermik suliaalluni. Meeqqat mikisuuneranni inuunerat ajunngitsoq ajunngitsumik kinguneqartarnerat ilaatigut misissorneqassalluni.
Tarnip pissusaanik immikkut ilisimasalittut ilinniartut Sandy Fanous aamma Laila Wattar apersuinerminnni inuusuttut angajoqqaavi apersorniarpaat, aperalugit inuusuttuaraanermi inuuneq qanoq innersoq, inuusuttut inuunerminni suna kissaatigineraat suullu eqqarsaatigisarneraat.
Ilisimatuussutsikkut suliaqartut neriupput, suliniummi Paamiut Asasara-mi ingerlanneqartut aallaavigalugit inuusuttut namminneq inuunerminnut tunngasunik nammineerlutik suliniutinik kingunerusukkut aallartitsiumaartut.
Tarnip pissusaanik immikkut ilisimasalittut ilinniartut apersuinerminnit paasisatik apriilip qaammataata naanerani naammassissavaat, nalunaarusiatullu allassallugu. Allaaserisaat Kalaallit Nunaata sinneranut siaruarterniarneqarpoq, suliap inernera takuneqarsinnaaniassammat.