Malittarisassat tulluarsassavaat
KNAPKip ilaasortai taaseqataasinnaasut 32-t peqataasoralugit aqagu ullaakkut qulinngiluaniit Ilulissani ataatsimeersuartoqalissaaq.
Skrevet af Elisa Isaksen
Sammisat pingaarnerit ilagissavaat malittarisassat tulluarsarneqassanersut eqqartornissaat. Kommunerujussuit atulernerinut tulluarsarluni ataatsimeersuaqataasut aaliangiiffigissavaat ataatsimeersuariartartut ikinnerulissanersut taamatullu siulersuisuunerit ilaasortai ikinnerulissanersut.
Aalisarnermut piniarnermullu naalakkersuisoq Finn Karlsen kiisalu inuutissarsiornermut naalakkersuisoq Siverth Heilmann ataatsimeersuartunut oqalugiarlutillu apeqquteqaateqarfigineqarsinnaassapput aqagu ullaap tungaa.