Per Berthelsenip Sydafrikameersoq ministeri ataatsimeeqatigaa
Sydafrikap nunanut allanut ministeriata Nunatsinnut tikeraarnissaa sioqqullugu ataatsimiinneruvoq, Per Berthelsenillu Sydafrikamut tikeraarnissaa neriuutigigini, Zumap ataatsimiinnermi oqaatigaa.
- Inuk imaannaanngitsoq naapippara. Arnaq inoqatiminut sunniisinnaassusilik, Nunatsinnullu ataqqinnittoq, Per Berthelsen Radioaviisimut ippassaq oqarpoq.
Sydafrikap aatsitassarsiornermi misilittagai, avinngarusimanerusunillu sullissinnermi misilittagai ataatsimiinnermi aamma eqqartorneqarput, Kalaallit Nunaannili suut pikkoriffiginerusinnaanerivut Per Berthelsenip taakkartorpai:
- Tammajuitsussarsiorluni piniartitsinermik Sydafrika misilittagaqarluarpoq, takornariallu akiliillutik piniartinneqartarlutik. Kalaallit Nunaanni umimmanniartitsillutalu tuttunniartitsisarsinnaavugut, Per Berthelsen oqarpoq.
Sydafrikap nunanut allanut ministeria Kalaallit Nunaannut qaqugu tikeraassanersoq suli ilisimaneqanngilaq.