Islandimiut amerlanerussuteqartut arfanniartaleqqikkusupput
Islandimiut arfanniaqqittalernissaat Islandimiut 67 procentiisa isumaqatigaat, tamanna arfanniat isumasiuisitsineranni takuneqarsinnaasoq, Islandip radiuatigut oqaatigineqarpoq.
Skrevet af Lotte Holm
04. marts 2009 14:07
Aperineqartut 67 procentiisa akuersaaraat, 20 procentiisa akerleraat, 13 procentillu isummerfigisimanagu. Isumasiuinermi arfanniartarneq Islandip avammut isiginerlunneqarnerulerneranik kinguneqassanersoq apeqqutit ilagaat, 59 procentiisa ajoqutaanissaa ilimaginngilaat, 41 procentiili isumaqarput Islandimiut arfanniaqqittalissagaluarpata, Islandimut avataanit isiginninneq innarlerneqassasoq.
Islandimi arfanniaqqittalernissaq Reykjavikimi Naalakkersuisut akueriuminaatsileruttoraat, Islandimi arfanniat isumasiuisitsinerat naammassivoq. Islandip EU-mut ilaasortanngorniarnissaanut aningaasarsiutigalugu arfanniartalernerup akornutaaratarsinnaanera, Naalakkersuisut akueriuminaatsitsinerannut pissutaavoq.
