Oqartussaaqaataanerit Facebookimi takutiguk!

Nittartakkami Facobook-imi paasissutissanik kikkut pissarsisinnaanerat maleruagassiuunniarneqarpoq, nutaarsiassaqartitsivik Ritzau taamatut allaaserisaqarpoq. Nittartakkami tassani kikkut tamat oqartussaaqataanerat atuutilersinniarneqarpoq.

Nittartakkammi Facebook-imi atuisut pillugit paasissutissat assillu nittartakkamut ilineqarsimasut Facebookimik piginnittumit nakkutigineqartuaannarnissaat maleruagassami atuutilersinniarneqaraluarpoq, aamma atuisut Facebook-imi ilaasortaajunnaareeraluartut. Atuisulli tuusintillit arlaqartut naammagittaalliornerisa kingorna Facebook atuisuminut maanna kajumissaaruteqarpoq maleruagassanik nutaanik saqqummiusseqqullugit, atuisullu saqqummiussaat tunngaviusumik inatsisitut atorneqalissasut ritzau taamatut allaaserisaqarpoq.

Maleruagassami atuisut imminerminnut paasissutissat assillu nammineerlutik nittartakkamut ikkussaatik peersinnaalissavaat.