Tyrkiamiut timmisartuat nakkarpoq ilaasullu annallutik
Timmisartoqarfimmi oqartussaasut uppernarsarpat timmisartoq mittarfimmut minniartilluni nakkarsimasoq. Paasissutissat kingulliit tusarliunneqartut malillugit, timmisartoq 135-inik ilaasoqarpoq, timmisartullu nakkarnerani siullermik nalunaarutigineqaraluarpoq inuit tallimat ajunaartut 20-illu ajoquserlutik, kisiannili tusagassiorfiit tusarliussaat kingulliit malillugit ilaasut tamarmik annassimaneragaapput.
Amerikamiut nutaarsiassaqartitsiviata CNN turkip nalunaarutaa malillugu timmisartoq minniartilluni mittarfiup eqqaanut nunamut nakkarsimavoq pingasunngorlunilu avilluni.
Ilaasut nassataat timmisartup mittarfiani siaruaatitersimapput, mittarfillu matuneqarluni. Hollandimiut nutaarsiassaqartitsiviat De Telegraaf malillugu timmisartup nakkarnerani isiginnittut ilaat oqaluttuarsimasoq timmisartup nakkarnerata kingorna ilaasut amerlasuut timmisartumit qimarrattut takusimallugit.