Irena Arctica Nuup talittarfianut aporpoq ajoqusilaarluni
Atlantikoq ikaarlugu Royal Arctic Linep umiarsuaq assartuutaa Irena Arctic Nuup umiarsualivianut sapaatiummat talinniartilluni ajoquserpoq.
Skrevet af Lotte Holm
Umiarsuaq talinniartillugu talittarfik aporpaa annikitsuinnarmillu ajoqusiilluni.
Inunnik ajoqusertoqarsimanngilaq. Irena Arcticap Ålborgimut uternissaa sapaatip akunneranik ataatsimik kingusinnerusukkut pisussanngorpoq, umiarsuaq suliarineqartussaammat Roayl Arctic Line tusagassiuutinut taamatut nalunaaruteqarpoq.
Irena Arcticap angallavissaraluini Naja Arctica angalatinneqassaaq taassumalu angalatinneqarneratigut nassiussat pilersaarutaasumit kinguaattuunnginnissaat naatsorsuutigineqarpoq.
Irena Arcticap talinniartillugu ajutoorneq sumit patsiseqarnersoq ilisimaneqanngilaq, tamannali maannakkut Royal Arctic Line-mit misissorneqarpoq.