PIP:Perorsaasut ilinniarsimasut sulinerminni atugaat misissuiffigineqarli !
Tamatuma kingunerisarpaa perorsaasutut ilinniarsimasup suleqatini ilinniarsimanngitsut ilinniartittariaqassallugit, taakkualu sulinngikkaata suliassaat suliarisariaqartarlugit, taamaattumillu perorsaasut ilinniarsimasut ilungersunartorsiortorujussuupput, Kaalinaa Skifte oqarpoq.
Perorsaasut ilinniarsimasut sulinerminni atugaasa misissuiffigineqarnissaat Kaaliina Skifte ujartorpaa. Ukiut arfineq marluk matuma siornatigut perorsaasut ilinniarsimasut sulinerminni atugaat misissuiffigineqarpoq, maannakkullu misissuisoqarnissaa pingaarutilittut isigineqarpoq.
Perorsaasut ilinniarsimasut Kattuffiat misissuinissamut suleqataaniarlutik piareersimapput. Perorsaasut ilinniarsimasut sulinerminni atugaasa misissuiffigineqarnissaat sulisitsisuniippoq, tassalu Namminersornerullutik Oqartussani aammalu Kommuneqarfinni, taakkualu pisussaapput, Kaaliina Skifte Perorsaasut Ilinniarsimasut Peqatigiiffianni PIP-imi siulitaasoq oqarpoq.