Qeqertarsuarmi toqutseriartoqaraluarpoq
Qeqertarsuarmi angutip aappani qungasiagut savimmik kapillugu arfininngornerup unnuaani toqoriaraluarpaa.
02. februar 2009 17:10
Aappariit imerniartarfimmiit angerlariartornerminni angutip aappani iffianut kitserummik kapivaa, politiinullu sianerluni aappani toqussimanerarlugu.
Arnaq qungatsimigut kilingaatsiarsimasoq illoqarfiup ilaani aappanilu aqqusinermiittut politiinit tikinneqarput.
- Angutip aappani toqunniarsimagaa ilimagaarput, Qeqertarsuarmi politeeqarfiup pisortaa, Poul Vittrup, oqarpoq.
Angut toqutseriarsimasutut unnerluutigineqarpoq, februaarillu ulluisa 20-ata tungaanut tigummigallagassanngortinneqarluni.
Arnaq suli Qeqertarsuup napparsimmaviani uninngavoq, ullullu marluk qaangiuppata angerlarnissaa naatsorsuutigineqarluni.
