Angallammi usigai qilalugartami neqai mattaalu, angallallu umiummat taakku tassa kivipput.
Tamanna pivoq tallimanngormat unnukkut nalunaaqutaq aqqanermut tanneq qulinngortoq. Angut 56-inik ukiulik mobilini atorlugu sianersinnaasimavoq. Mallernera pissutigalugu politiit snescooterilerlutik angut ujaaraat masassimaqisorlu qiulivissoq unnuap-qeqqanut qiteqqutilersoq Sisimiuni napparsimmaviliaallugu. Angutip inuunera navianartorsiunngitsoq oqaatigineqarpoq.
Ujaasineq tulleq ippassaq sapaammi unnukkut pivoq. Tassaalluni angallat Amerloq Narsap avataani aquutaajarsimalluni qulingiluanut tanneq arfineq-pingasunut ajunaalernerminik Aasiaat Radioatigut kalerrisaarilersoq.
Sisimiunit Sisak IV aallartinneqarpoq,
angallallu kalillugu Sisimiunut unnuaq unnuap qeqqa qaangilaaraa apuunneqarluni.