Paamiuni inissiamik ikuallatsitsisoq suli paasineqanngilaq
Angut 1962-imi inunngortuusoq Paamiuni Blok R-imi ikuallatsitsisutut pasineqarluni januaarip ulluisa 27-iata tungaanut tigummigallarneqarpoq, sapaatip-akunneralu kingulleq marlunngormat eqqartuussivimmut sassarteqqinneqarmat, suli sapaatip-akunnerini sisamani tigummigallarneqassasoq aalajangerneqartoq, Paamiuni politiit ilisimatitsipput.
Blok R-imi decembarip ulluisa 29-anni ikuallanneq ininut quleriinnut pingasunut ima aseruitigaaq, allat inissiat ilaat putsumit imermillu aserorneqarnermigut atorsinnaajunnaavippoq, allallu inissiat arfineq-pingasut atorsinnaajunnaarallarlutik. Ilaqutariit arfineq-pingasut allanik inigigallagassaannik kommunip nassaarsiuttariaqarsimavai.