George Obama Kenyap illoqarfiisa pingaarnersaanni, Nairobimi, eqqartuussisumut ataasinngorpat sassartinneqassaaq, TV-qarfissuup CNN-ip nittartagaani, CNN.comimi tamanna atuarneqarsinnaavoq.
Nairobimi politiit oqarnerat naapertorlugu George Obama marihuanamik tigummiaqarsimavoq, tigusaanissanilu akerlerisimagaluarlugu.
George Obama maannamut suli pinngitsuunerarpoq.
- Angerlarsimaffinniit pinngitsaalillunga peersippaannga. Naluara sooq unnerluutigineraannga, George Obama TV-qarfissuarmut CNN-imut oqarpoq.
Barack aamma George Obama ataatsimik ataataqarput, marlussoriarlutillu naapinnikuupput, Barack Obamali sapaatip akunnerisa marlussuit matuma siorna præsidentitut ivertinneqarmat affarmik nukaa qaaqqusanut ilaanngilaq.