Obamap aningaasaatilissuit kanngunarnerarpai
USA-p præsidentiata Barack Obamap Wall Streetimi aningaasarsiornermik suliaqartut nuimasut aningaasarsiamik qaavisigut siorna tapisiarpassui “kanngunaannartutut” taavai.
Skrevet af Lotte Holm
Aningaasarsiornermik suliaqartut tunuarsimaarneroqqullugit, Amerikami naalakkersuisut kajumissaariniartut, præsident Obamap oqaatigaa.
- Allaaserisami atuarpara, Wall Streetimi aningaaserivissuarni sulisut 20 milliardit dollarit nalinginut imminnut tapisiaqartittut.
- Tamanna kanngunarlunilu akisussaassuseqannginneruallaaqaaq, Obama aningaasaqarnermut ministerimik Timothy Geithnerimik ataatsimeeqateqareerluni oqarpoq.