Island arnamik statsministereqalissaaq

Johanna Sigurdardottir 66-inik ukioqartoq Island-imi naalakkersuinikkut suliaqarnermi misilittagaqarluartut ilaat naalakkersuisuni siulittaasunngussaaq. Johanna Sigurdardottir arnaqatiminik inooqateqarpoq taamaalillunilu suiaassuseqatiminik atoqateqartartuni nunarsuarmi siullersaalluni naalakkersuisunut siulittaasunngussalluni.

Island-imi partiit saamerliuniartut naalakkersuisunngortitsinissaq anguniarlugu isumaqatigiinniarput, isumaqatigiinniarnerallu aqagu naammassineqassangatinneqarpoq, arfininngorpallu naalakkersuisunngortitsisoqassalluni. Naalakkersuisunngortitsinissaq anguniarlugu parti Venstre-Grønne ulluni pingasuni isumaqatiginiarneqarpoq. Naalakkersuisunngortussat fremskridtpartiimit tapersersorneqarput, naalakkersuisunngortussat maajip qaammataata tungaanut naalakkersuisuussapput.