Kinguaassiutitigut atornerluisimasut ikiorserneqarneq ajorput
Kinguaassiutitigut atornerluisimasutut pineqaatissinneqarsimasut
pinerluuteqarsimasunut inissiisarfimmit ikiorserneqarneq ajorput. Kinguaassiutitigut atornerluinissamik kajumissusaat pinngitsoortinniarlugu imaluunniit pinaveersaarniarlugu ikiorserneqarneq ajorput. Kingunerisaanik pinerluuteqaqqeriataarsinnaanerat mattunneqarsinnaanngitsoq, Nuummi pinerluuteqarsimasunut inissiisarfiup pisortaa, Peter Petersen oqarpoq.
Skrevet af Louise M. Kleemann
21. januar 2009 10:28
- Pineqaatissinneqarsimasut pinerluuteqarsimasunut inissiisarfimmit katsorsarneqarneq ajorput. kisianni nakorsamut innersuunneqarsinnaapput, taanna aqqutigalugu tarnip pissusaanut ilisimasalimmut innersuunneqarsinnaasarput. Kisianni inuit allat assigalugit utaqqisuniittarput. Pineqaatissinneqarsimasoq immikkut nakorsarneqarneq ajorami, katsorsarneqarsimanngikkuni uteqqissinnavoq. Taama oqarpoq Nuummi pinerluuteqarsimasunut inissiisarfiup pisortaa, Peter Petersen.
Herstedvesterimi
Kinguaassiutitigut atornerluisimasut Herstedvesterimut inissitat katsorsarneqarnissamut periarfissaqarput, tamanna Kalaallit Nunaanni periarfissaanngilaq.
