Obama præsidentinngormat kalaaleq najuuppoq
- Misigisaq nuannerlunilu attortinnartorujussuuvoq. Pisoq oqaluttuarisaanermi pingaaruteqaqisoq taama qanitsigalugu peqataaffigigakku nuannaarutigisorujussuuvara, Rasmus Johnsen Sermitsiap blogianut ippassaq allappoq.
- Ivertitsineq uppernarsaanerlu ilukkut attortinnaqaat, qiagajuttumik taariannguarsinnga, kisianni tassa qullilinngitsoorsinnaanngilanga. Inuit eqqanni nuannattut ilukkut assorsuaq aamma attortinnaramik.
Amerikamiut nalliuttorsiullaqqinnerat Rasmus Johnsenip immikkut aamma tupigusuutigaa:
- Washington D.C tamarmi nuannaarfiuvoq, aqquserngit ippassarli, ilaalumi ippassaanili, assersorneqarput. Piareersarnerit annertoorujussuupput, amerikamiullu pilersaarusiullaqqinnerat tupaallaatigisorujussuuvara. Piareersaanerni qanimut malinnaavigisatsinni misigaarput inuit qanoq qilanaartigisut, kikkummi tamarmik sumi tamani imminnut qungujulapput, Rasmus Johnsen allappoq.