Rusland gassimik europamut ammaasseqqippoq
Ukrainimi naalagaaffiup gassiliorfissuani, Naftogazimi, avammut oqaaseqartartup arnap, uppernarsarpaa, sullullit aqqutissat gassimik Ruslandimeersumik kingumut imaqalersut.
Europamut gassimik pilersuinissamut Russit Ukrainimiullu suleqatigeeqqilernissamik isumaqatigiissutaat pivoq, gassimik pilersuineq ulluni aqqaneq-marlunni Ruslandip unitsisimareeraalu. EU-mi gassip atorneqartartup sisamararterutaata missaa Ruslandimeersuuvoq, gassillu 80 procentia Ukrainimi gassip aqqutaatigoorluni ingerlateqqinneqartarpoq.
Gazprom Naftogazilu ukiuni qulini atuuttussamik ippassaq nutaamik atsioqatigiipput, isumaqatigiissummilu qulakkeerneqarpoq, Ukraini Europalu gassimik Ruslandimeersumik kingumut pilersorneqalissasut.