Sisorariaq ajutoornermigut kivingalluni nivingasimavoq
Qanittukkut amerikamiu sisorariartilluni kanngunarsagaarujussuarpoq, tassa majuartaammi sisorartarfiup qaavanukaassisussamut ilaatilluni ajutoornikkut issiaviusamit nivingalersimavoq, majuartaammilu qarlii naateqqammata, angut 48-nik ukiulik kussarluni kivingaqaluni minutsit 15-nit missaanni nivingasimavoq, sisorariarpassuit soqutiginnittullu allat isiginnaartuliullugit.
Skrevet af Louise M. Kleemann
Ajutoortulli kanngunarsagaanera tamaanga killeqarsimanngilaq, tassami assiliisartumik majuartaatip eqqaaniitoqarsimammat, taassumallu angutinnguakkuluk taanna kussarluni kivileqqasoq assilisaqattaarsimavaa.
Sisorariap naapitsinerlussimaqisup assinga Danmarkimi aviisit ilaata Jyllands Postenip nittartagaani soqutiginnittunit takuneqarsinnaavoq.
Ajutoorneq pivoq USA-mi sisorariartarfimmi Vail's Blue Sky Basinimi.