Palle Christiansen: "inatsisinik unioqqutitsisoqanngilaq" !
Palle Christiansen oqarpoq, inatsisinik unioqqutitsisoqarsimanngitsoq, taamaattorli nassuerutigalugu Inatsisartut suleriaasiat sakkortuumik saneqqunneqarsimasoq . Qanoq pisoqarsimanera politiinit qanimut misissuiffigineqassappat tamanna piffissaajarnerussaaq Palle Christiansen oqarpoq nangillunilu AG pisunik sakkortusisitsiniartoq. Unnerluutiginninneq tunngavissaqarsimanngippat, unnerluutiginnittoq Jesper Tobias Albrechtsen, aamma AG atinik kanngunarsaasimasutut politiinut unnerlutigissavakka, Palle Christiansen aviisimi AG-imi ullumi saqqummersumi taamatut oqarpoq.
Emilie Olsen-ip pisoq qatsulluinnarpaa, tusagassiutillu inuttut malersuinerat aamma qatsulluinnarlugu oqarpoq, tusagassiortullu pisumik sakkortusaasuunerarpai annertusiartortitsineraallunilu. Uannut tunngatillugu suliaq qangali naammassineqareerpoq. Pisumi matumani taamaallaat oqaatigisinnaavara tamanna qatsukkakku, ajortumimmi qanoq iliuuseqarsimanngilanga. Emilie Olsen oqarpoq. Esmar Bergstrøm eqqissisimaneruvoq, "Inummit unnerluutigineqarsimaguni allatut qanoq iliuuseqartoqarsinnaanngitsoq Esmar Bergstrøm, Inuit Ataqatigiit, naatsumik nassuiaavoq. - Politiit akissutissat utaqqissavara. Esmar Bergsrøm oqarpoq. Inatsisartut siulittaasuat Ruth Heilmann pisut pillugit suli oqaaseqarusunngilaq.
