Cubamiut eqqissisimanerusumik nalliuttorsiorput
2008-mi anorersuarujussuit pingasut Cuba aqqusaarpaat, 50 milliardit koruunillu sinneqartut nalinginut aseruillutik, taamaattumik Cubamiut mumisitsineq ullumikkut nalliuttorsiormassuk pingaartorsiornerat minneruvoq.
Skrevet af Louise M. Kleemann
02. januar 2009 10:02
Qeqertat kommunismemik ingerlatsiffiusut, USA-mit 145 kilometeriinnarnik ungasissusilimmiittut, nalliuttorsiornertik ingerlappaat, præsidentilu Raul Castro oqalugiaammini oqarpoq, mumisitsineq aatsaat taama nukittutigilersoq, taamaattorli Cubamiut akeqqanut tunniutiinnassanngitsut.
Cubap naalakkersuisuisa Amerikamiut niuernermik mattussinerat nunap aningaasarsiorneranut innarliinerarpaat, tassa aningaasarsiorneq Sovjetunionip 1991-imili ajalusoorneratigut iluamik ingerlajunnaartoq.
