Savalimmiuni suliffeqarfiit sillimmasiinikkut ikiorneqassapput
Danmarkimi aningaasaateqarfiit qanittumi sillimmaserneqartut assigalugit, Savalimmiuni aningaasaateqarfiit kisimik sillimmaserneqarnissaat eqqarsaatigineqanngitsut, Kaj Leo Johannesenip oqalugiarnermini nalunaarutigaa.
Savalimmiuni suliffeqarfiit sillimmaserneqarnissamik periarfissaqarnissaat sulissutigineqarpoq, aningaasaateqarfimmi Eksport Kredit Fondenimi aaqqissuusineq atorlugu.
Savalimmiuni suliffeqarfiit ilaasa avammut tunisassiornermikkut aningaasatigut qulakkeerinniniarnertik ajornartorsiutigaat, taamaattumillu Danmarkimi naalagaaffiup aaqqiissuteqarnera atorlugu sillimmasiinermik periuseq atorlugu qinnuteqarniarpugut Kaj Leo Johannesen oqarpoq. Aningaasaateqarfiit milliardit koruunikkaanik uninngasuuteqartut Savalimmiormiut akisussaaffigigaat, Kaj Leo Johannesen ilaatigut oqarpoq.
Kaj Leo Johannesenip qaammatit pingasut matuma siornagut Savalimmiuni naalakkersuisunut siulittaasunngortup, oqalugiaammini ernumassutigalugu oqaatigaa, Savalimmiuni innuttaasut ilaat aningaasarsiornikkut ajornartorsiornertik pissutigalugu Savalimmiunit nuuttariaqalissappata, tamanna aningaasatigut ajornartorsiornermi Savalimmiuni annaasassat annersarissagaat.