Hans Enoksen: Pisoq ilungersunarpoq
Narsap kommuniani sulisorisat 4.000 koruuninik juullimi tunissuteqarfigineqarnerat biilinillu pisinissamut immikkortitsisoqarsimaneranut tunngatillugu suliaq ilungersunarnerarlugu, naalakkersuisut siulittaasuat Hans Enoksen oqarpoq.
Skrevet af Najaaraq Egede
30. december 2008 16:13
Narsami pisut kommuneqarfiit nakkutilliisoqarfianit ilungersunartutut isigalugit akuliuffigaagut, taama oqarpoq naalakkersuisut siulittaasuat aamma kommuneqarfinnik nakkutilliisoqarfimmi siulittaasuusoq Hans Enoksen.
Aqutsinermi inatsit malillugu paragraf 61 immikkoortoq 2 naapertorlugu innersuussuteqarpugut taamatut tunniussisimanermi suli akilerneqarsimanngitsut imaluunniit tunniunneqartussat suli tunniunneqarsimanngitsut unitsinneqassasut. Misissueqqissaarneq
Kommune Kujalleq peqatigalugu ingerlapparput, suliamut qanoq aaqqissuteqartoqassanersoq sapaatip akunnerata tulliani ersarinnerulissaaq, Hans Enoksen, kommuninik nakkutilliisoqarfimmi aamma siulittaasuusoq radioavisimut oqarpoq.
