Skuunik milloortup sassartinneqarnissaa kinguartinneqarpoq
Tusagassiortup eqqartuussissuserisuata suliassaq eqqartuussivimmut qulliunerusumut suliassanngortereeraalu eqqartuussinissaq kinguartinneqarpoq.
Eqqartuussiviit qullersaata suliassamik ingerlatitseqqinnissaq isummerfigereerpagu eqqartuussisoqarumaartoq, eqqartuussiviup oqaaseqartitaa nutaarsiassaqartitsivimmut AFP-mut oqarpoq.
Arabiamiut kulturianni kamippannik milloorneq inoqammik ajuallatsitsinerit ajornersaraat, tv-milu tusagassiortoq 29-nik ukiulik ukiut tallimat 15-illu akornanni parnaarunneqartussatut eqqartuunneqariaannaavoq.
Suliassap peqqarniisaarniarnermut tunngasunik eqqartuussiviusartumit eqqartuussivimmut nalinginnaasumut nuutinneqarnissaa tusagassiortup illersuisuata piumasaraa.
Tusagassiortup pineqartup skuunik milloornini Irakimi naalakkersuisut siuttuannut Nuri al-Malikimut allakkatigut utoqqatsissutigisimavaa. Nutaarsiassaqartitsivimmi Ritzauimi taama allaaserinnittoqarpoq.