Politimesterip tullia: Paasiniaanissamut tunngavissaqanngilagut
- Paasissutissat saqqummiunneqareersut, ilaatigullu tusagassiuutitigut saqqummiunneqareersut tunngavigalugit nammineerluta paasiniaanissatsinnut tunngavissaqarsorinngilagut, Morten Nielsen oqarpoq.
Folketingimut ilaasortaq Folketingip ataatsimiittarfianni najuutinngitsoq sinnerlugu taasiguni Danmarkip pillaasarnermut inatsisaanik unioqqutitsissaaq, Folketingimilu ilaasortaajunnaarsitsisoqarsinnaalluni.
Konservativineersoq Helge Adam Møller, Folketingip siulittaasoqarfianut ilaasortaasoq taama oqarpoq.
Tamanna tunngavigalugu pinerluttulerinermut inatsit Kalaallit Nunaannut atuuttoq tunngavigalugu misissuisoqarsinnaannginnersoq Morten Nielsen aperaarput, akivorlu:
- Helge Adam Møller tamanna pillugu oqaloqatigiinnikuunngilara, tamannalu pissutigalugu annerusumik oqaaseqarsinnaananga, Morten Nielsen oqarpoq.