Qingalissuit qaartartumeerneqartut
Tuluinngooq sakkutuuisa juullisiutissaat qingalissuit qaartinneqarlutik suujunnaarsinneqarput.
Skrevet af Najaaraq Egede
22. december 2008 10:54
Usisaatit qingalissuarnik qerisunik usillit tuluit sakkutooqarfiannukaassitillutik qaartartumit aqqusernup sinaaniittumit qaartinneqarmata, siatassatsiarsuit tuluit juulliusitinnaavi sequmilluinnarput.
Usisaatit Pakistanimiit Afghanistanip kujasissuani Helmand-ip ilaani tuluit sakkutooqarfiannut Camp Bastianimukaassitillutik qaartinneqarput.
Tuluit Nunaanni illersornisaqarfik qingalissuarnik kalkuninik allanik timmisartukkut nassiussigallartillugit sakkutuut juullimi siatartugassaqalerput. Tappava siatartugassaqalerlutik angerlarsernaveeqqutigissajunnarsivaat.
