Titartaasartumut saassussisoq eqqartuunneqassaaq
Qallunaaq titartaasartoq Kurt Westergaard ulimaammik sakkulimmit ukiortaami saassunneqariaraluarpoq, angullu saassusseriaraluartoq pinerluttutut unnerluutigineqassaaq.
02. juli 2010 11:51
Angutip eqqartuussaanissaanik naalagaaffiup unnerluussisuata piumasaa inatsisinik atortitsinermut Danmarkimi ministerip, Lars Barfoedip, ulloqeqqata siorna akuersissutigaa.
Allagaq unnerluussut malillugu angut ulimaat sakkugalugu ineeqqamut parnaaqqasumut, Kurt Westergaardip imminut illersorniarluni mattuffigisimasaanut, iserniarsarisimavoq.
Kurt Westergaard tassaavoq Muuamaamik quiassuarluni titartaasoq, aviisimi Jyllands-Postenimi taamani atorfeqartoq.
Suliaq angummut ulimaasersortumut, pinerluttutut maanna unnerluutigineqartumut, tunngasoq suliassatut eqqartuusseqataasut peqataaffissaattut Århusimi Eqqartuussivimmi suliarineqassaaq.
