Miluffiit Babysamimeersut tuniniarunnaarpaat
Babysam Danmarkimi atuisartut siunnersuisoqatigiiffiannit isornartorsiorneqarpoq, miluffiit ulorianartunik akullit juulip aallaqqaataani tuniniaqqusaajunnaarnissaat sioqqullugu akikillillugit tuniniarmatigit.
- Miluffiit timimut akornusiisinnaasunik akullit Babysamip tuniniarmagit assuarnarpoq, atuisut siunnersuisoqatigiit isumaqarput.
Inatsisit malillugit Babysam miluffinnik tuniniaasinnaapput, ileqqorissaarnerli eqqarsaatigissagaanni tamanna apeqquserneqarpoq.
- Pisiniat ataasiakkaat namminneq aalajangissavaat, miluffinnik timimut ajoqusiinnaasunik piserusunnerlutik, Camilla Hersom Dannmarkimi atuisut siunnersuisoqatigiivini siulittaasoq oqarpoq.
Babysamip isornartorsiorneqarnertik ippassaq kinguneqartippaat. Miluffiit juunip 30-ani tuniniaaqqusasajunnaarnissaat utaqqinagu, miluffiit tuniniarneqartut tamarmik ingerlaannartumik ilisivinnit piiarneqarput, Allan Agerskov miluffinnik tuninaavimmi Babysamimi pisortat ilaat, Danmarks Radiomi nutaarsiassaqartitsivimmi P3-mi apersorneqarluni oqarpoq.