Pakistanimi peqqarniisaarnerit nanginneqarput
Saassussinermi arfineq-marluk toqutaapput lastbiilillu 50-it sinneqartut ikuallatsinneqarlutik.
Pakistanimi illoqarfiup Karachip umiarsualivianit Afghanistanimut inuussutissanik assartuisunik aatsaat saassussisoqalinngilaq, aatsaalli Islamabadimut taama qanitsigisumi saassussisoqartoq oqaatigineqarluni.
Lastbiilit ingerlaaqatigiit marlunngornermi unnukkut orsersorniarlutik uninnganeranni saassunneqarput, saassussineq Islamabadimit 15 kilometerinik ungasissusilimmi pivoq.
NATOp lastbiiliinik ingerlaaqatigiinnik saassussisut CNN-imit tassaanerarneqarput, angutit qulit missaanniittut motorcykelertut aamma biilinik assakaasumikkut sisamanik nutsuisulinnik biilillit.