Armadillo torrallataanerpaatut akissarsitinneqarpoq
Qallunaat sakkutuui Afghanistanimiittut pillugit qallunaat filmiliaat piviusumik tunngavilik Armadillo nunarsuaq tamakkerlugu peqataaffigineqartumik Cannesimi filmfestivaleqarneranut atatillugu filminik naliliisartunit torrallataanerpaatut ippassaq unnukkut akissarsitinneqarpoq.
Qallunaat sakkutuui Afghanistanimiittut pillugit filmi filmiliaannaanani aammali filmi nunanut tamalaanut attuumassuteqarnera ersersinneqarmat nersorneqarnerput ajunngeqaaq, filmimi ilitsersuisartoq, Janus Mertz Ritzaurimut oqarpoq,
Filmimi piviusulersaarummi Armadillomi qallunaat Afghanistanimi sakkutuui aatsaat taama qanillineqartigipput. Filmiliortut sorsuffimmiipput filmiliuummillu niaqorornaveeqqummi inissitamik filmiliorlutik. Filmilu tusagassiortunut takutinneqaqqaamat inunnit aalassassatsigaatsiarpoq.